“Aprel ayının 1-dən etibarən Təhsil Nazirliyi uşaq bağçalarının təchizatı və təminatı məsələləri ilə məşğul olmağa başlayıb”.

AzEdu.az xəbər verir ki, bunu Təhsil naziri Emin Əmrullayev UNEC-i ziyarət zamanı jurnalistlərin suallarını cavablandırarkən qeyd edib.

Nazir bağçalarla bağlı vahid məlumat bazası olmadığı üçün prosesin ləngidiyini   bildirib:

“Bu məsələ ilə bağlı biz daha çox diaqnostik mərhələdəyik. İlkin məqsədimiz həmin bağçaların fəaliyyətinin öyrənilməsi,burada əsasən, tədris, təhsil, o cümlədən, uşaqların qidalanma və digər məsələlərlə bağlı məlumatları toplamaqdır. Düşünürəm ki, bu istiqamətdə vahid məlumat bazası olmadığı üçün proses daha ləng gedir. Amma hazırda nazirliyin nümayəndələri 1600-dən artıq uşaq bağçasında olub. İlkin məlumatlar bizdə mövcuddur, amma daha çox vaxta ehtiyacımız var”.