Aprelin 2-də F.Köçərli adına Respublika Uşaq Kitabxanasında beynəlxalq uşaq kitabı gününə həsr olunan kitab sərgisi açılacaq.

AzEDU AZƏRTAC-a istinadən xəbər verir ki, təşkil olunacaq sərginin keçirilməsində məqsəd uşaqların və yeniyetmələrin intellektual inkişafında kitabın rolunu artırmaq, kitaba sevgi aşılamaq, mütaliə marağını və mütaliə tələbatını reallaşdırmaqdır. Bununla yanaşı, oxucuların informasiya tələbatının ödənilməsi üçün onları son nəşrlərlə tanış etmək və məlumatlandırmaqdır.
Bildirilib ki, tədbir çərçivəsində Azərbaycan və dünya uşaq ədəbiyyatından son illərdə nəşr olunan ədəbiyyatlar sərgilənəcək.

Sərgi zamanı məktəblilərin təqdimatında nağıl qəhrəmanlarının obrazlarından ibarət kompozisiya təqdim olunacaq.