Rusiyanın Samara vilayətində şagirdlər müəlliməni döyərək  xəstəxanalıq ediblər.

 AzEdu.az xəbər verir ki, bu barədə RİA Novosti məlumat yayıb.

Məlumata görə, müəllimə iki dalaşan məktəblini ayırmaq istəyirmiş, nəticədə 15 yaşlı şagirdin yumruq zərbəsi onun üzünə dəyib və huşunu itirib.

Hüquq-mühafizə orqanlarından bildirilib ki, müəllimə yerə yıxılandan sonra daha iki şagird onu təpikləməyə başlayıb. Sən demə müəlliməyə hücum əvvəlcədən planlaşdırılıb. 

Qadını qapalı kəllə-beyin travması və hematoma diaqnozu ilə xəstəxanaya yerləşdiriblər.  

Samara vilayətinin Daxili İşlər Nazirliyi hadisəni araşdırmağa başlayıb.