Amerikanın  Emerson Liseyində təmir zamanı təxminən 100 il əvvələ aid olan dərs qeydləri tapılıb.

AzEdu.az xarici KİV-ə istinadən xəbər verir ki, qara lövhələrə yazılan vurma cədvəli, din tarixi, musiqi, oxuma-yazma və təmizliklə bağlı olan dərs qeydlərini  məktəbdə çalışan ustalar tapıb. Dərs qeydlərinin əks olunduğu  qara lövhələrə isə 1917-ci ildən bəri toxunulmayıb.

Lövhələrin birində vurma cədvəlini öyrətmək məqsədi ilə istifadə olunan  çarx da var. Məktəbin müdiri Sherry Kishore  isə həyatında  belə texnika görmədiyini bildirib. Lövhələrdə təkcə müəllimlərin deyil, şagirdlərin də yazıları  əks olunub.

Qeyd edək ki, 1895-ci ildə inşa edilən Emerson Liseyi olduqca köhnə məktəbdir.