Bir neçə gündür hava şəraiti ilə əlaqədar Çilov adasında qalan Bakıdan olan müəllimlər bu gün evlərinə dönüblər.

AzEdu.az xəbər veir ki, bu barədə Axar.az-a Bakı Təhsil İdarəsinin mətbuat katibi Bəşarət Məmmədov məlumat verib.

B.Məmmədov bildirib ki, problem bu gün həllini tapıb:

“Məktəblə də dəqiqləşdirmişik. Bu gün səhərdən etibarən gəmi işləyib. Bu cür hallar hava şəraiti ilə əlaqədar yaşanır”.

Xatırladaq ki, hava şəraiti ilə əlaqədar Pirallahı rayonu Çilov adasında yerləşən 131 nömrəli tam orta məktəbin Bakıdan olan müəllimləri ötən həftədən etibarən adada qalmışdılar. Hava şəraiti küləkli və yağışlı keçdiyindən onları aparıb-gətirən gəmi səfərini təhlükəsizlik səbəbilə dayandırmışdı.