Türkiyənin Təhsil Nazirliyi Türk Şurasına üzv ölkələrin hamısında tədris olunacaq “Ortaq türk tarixi” dərsliyini nəşr edib.

Azedu.az xəbər verir ki, dərslik gələn il 8-ci siniflərin tədris planına salınıb.

Bu isə üzv ölkələr olan Azərbaycan, Qazaxıstan, Qırğızıstan, Türkiyə, Özbəkistan və Türkmənistanı əhatə edir.

Xatırladaq ki, Türk Şurası təhsil nazirləri 2014-cü il noyabrın 22-də Türkiyənin Əskişəhir şəhərində keçirdikləri toplantıda üzv ölkələrin məktəblərində tədris olunacaq ortaq tarix kitablarının hazırlanmasını qərara almışdılar. Kitabın yazılması üçün isə bütün üzv ölkələrdən ən yaxşı tarixçilər cəlb edilməklə komissiya yaradılmışdı.

Kitabın yazılması təşəbbüsünü isə Qazaxıstan prezidenti Nursultan Nazarbayev irəli sürmüşdü.