Amerikada yeniyetmə həmyaşıdını güllələyib. AzEdu.az “RİA Novosti”yə istinadən xəbər verir ki, hadisə Arizona ştatında baş verib. Belə ki, məktəbə gizli şəkildə odlu silah keçirən yeniyetmə sinif yoldaşına bir neçə dəfə atəş açıb.

 Cinayətkar yeniyetmə hüquq mühafizə orqanlarının əməkdaşları tərəfindən saxlanılıb. Yaralı məktəbli isə helikopter vasitəsilə xəstəxanaya çatdırılıb. İlkin ehtimala görə, yeniyetmə silahlı hücumu planlı şəkildə həyata keçirib.

Qeyd edək ki, ABŞ-da silahlı hücum hallarını izləyən qeyri-hökumət təşkilatının birdirdiyinə görə 2018-ci ildə 50 min silahlı insident baş verib. Nəticədə 13 mindən çoxu insan həyatını itirib.