AMEA-nın Yüksək Texnologiyalar Parkının (YT Park) direktoru, iqtisad üzrə fəlsəfə doktoru Nazim Şükürov, strateji inkişaf üzrə direktor müavini, hüquq üzrə fəlsəfə doktoru Məmməd Bağırzadə və infrastruktur üzrə direktor müavini, aqrar elmləri üzrə fəlsəfə doktoru Elxan Bayramov BP şirkətində olublar.
AMEA-dan AzEdu.az-a bildirilib ki, məqsəd YT Parkda istehsal olunan mühərrik və sürtkü yağları ilə bağlı məlumat verilməsi, həmçinin Strateji Elmi Analitik Sınaq Mərkəzi tərəfindən neft və neft-kimya məhsullarının, istehlak mallarında toksik elementlərin sınağının keçirilməsi və ekspertizası məsələlərinin müzakirəsi olub.
Görüşdə BP-nin Tədarük və təchizatın idarə olunması şöbəsinin nümayəndəsi Samir Tağıyev, kimya mühəndisləri - Kənan Tağıyev, Elnur Abbasoğlu və mexanika mühəndisi İlqar Abbasov iştirak ediblər.
BP rəsmiləri əməkdaşlıq məqsədilə təşkil olunan görüşü yüksək qiymətləndiriblər. Bundan əlavə, şirkət nümayəndələrinin YT Parka biznes turlarının həyata keçirilməsi qərara alınıb.
