“Dərslərin təxirə salınmasıyla bağlı heç bir nazılıq yoxdur”.

Bu sözləri AzEdu.az-a 132-134 nömrəli təhsil kompleksindən bildiriblər. Məktəbin məsul işçisinin sözlərinə görə, təxirəsalınan dərslər kompensasiya ediləcək:

“Təhsil Nazirliyinin qərarına uyğun olaraq  uşaqlar bugündən etibarən dərslərə gəlməyəcəklər. İbtidai siniflər tətilə bir həftə tez çıxacaqlar. Yarışlar  başlayandan sonra ümumiyyətlə, binada oturmaq mümkün olmayacaq.

Yuxarı sinif şagirdləri buraxılmış dərs günlərinin əvəzinə gələn həftədən şənbə günləri də dərsə gələcəklər”.

Qeyd edək ki, “2018 FORMULA 1 Azərbaycan Qran Pri yarışı” tədbiri ilə əlaqədar olaraq bir sıra istiqamətlərdə hərəkət məhdudlaşdırılıb.Təhsil Nazirliyi  tərəfindən həmin yarışların hərəkət sxeminə aid olan və  Bakı şəhərinin mərkəzi ərazisində yerləşən T.İsmayılov adına 6 nömrəli məktəb-lisey, 132-134 nömrəli təhsil kompleksi və 23 nömrəli tam orta məktəbin ibtidai sinifləri üzrə 1-5 may tarixli yaz tətilinin 24-30 aprel 2018-ci il tarixinə keçirilməsi, 5-11-ci sinif şagirdlərinin buraxılmış dərs günlərinin növbəti həftələrdə şənbə günləri ilə əvəz olunması qərara alınıb.