Yeni sosial layihə inşaat materialları istehsalı üzrə Azərbaycanın aparıcı şirkətlərindən biri olan, "FORTİS GROUP” MMC tərəfindən reallaşdırılıb. 

 

AzEdu.az  xəbər verir ki, yeni təhsil mərkəzi – "FORTİS ACADEMY” sentyabrın 15-dən etibarən şirkətin ərazisində fəaliyyətə başlayır. Tamamilə sosial məqsədlərlə yaradılan bu mərkəzin bütün xərcləri şirkət tərəfindən qarşılanacaqdır. "FORTİS ACADEMY” təhsil mərkəzində şirkət əməkdaşlarının, eləcə də sosial təminatı zəif olan ailələrin övladları (9,10,11-ci sinif şagirdləri) üçün tam təmannasız və ödənişsiz abituriyent hazırlığı fürsəti yaradır. Müasir texnologiya və innovativ tədris-metodik imkanları ilə yanaşı, təhsil ocağı abituriyentləri ödənişsiz dərs vəsaitləri və sınaq imtahanları ilə təmin edir. Bundan əlavə tələbələrin kursa vaxtında və rahat gəlmələri üçün şirkət tərəfindən ödənişsiz fəaliyyət göstərən avtobuslar da ayrılıb. Qeydiyyatdan keçmək üçün 31 avqust tarixinə qədər bizimlə əlaqə saxlaya bilərsiniz.