Azərbaycan Universitetinin dissertantı Aqil Kərimov Azərbaycan Respublikasının Prezidenti yanında Ali Attestasiya Komissiyasının qərarı ilə iqtisad elmləri üzrə fəlsəfə doktoru elmi dərəcəsi alıb.
Universitetdən AzEdu.az-a bildirilib ki, Aqil Kərimov “Bank sektorunun davamlı inkişafının təmin olunmasında risk menecmentinin rolu” mövzusunda dissertasiya işini müdafiə edib.
Aqil Qədir oğlu Kərimov Bakı şəhərində anadan olub. 2010-cu ildə Türkiyənin İstanbul Universitetindən Biznesin idarə edilməsi ixtisası üzrə bakalavr dərəcəsi, 2014-cü ildə isə Almaniyanın Rhine-Waal Tətbiqi Elmlər Universitetindən Maıiyyə ixtisası üzrə magistr dərəcəsi alıb. 2014-2018-ci illərdə Azərbaycan Universitetinin dissertantı olub.
Hazırda Paşa Bankda Kiçik və orta sahibkarlıq departamentində şöbə müdüridir.
