Kanadanın Makqill Universitetinin alimləri birdəfəlik çay paketlərinin dəmlənməsi zamanı suya milyardlarla mikro və nanoplastiklərin düşdüyünü bildiriblər.

AzEdu.az-ın məlumatına görə, bu barədə “Environmental Science & Technology” jurnalı yazıb.

Bildirilib ki, təkcə bir paketdə təxminən 11.6 milyard mikroplastik və 3.1 milyard nanoplastik olur. Alimlərin sözlərinə görə, bu rəqəm digər içki və yeməklərdə tapıla biləcək miqdardan daha çoxdur. Alimlər paketdən ayırdıqları çayı 5 dəqiqə dəmlədikdən sonra onu mikroskopla nəzərdən keçiriblər. Məlum olub ki, suda olan nanohissələr dəm zamanı yaranmağa başlayıb.