Lənkəran rayon Viravul kənd 2 nömrəli tam orta məktəbin yeni təyin edilmiş gənc direktoru Araz Babayevin təşəbbüsü ilə Dövlət Bayrağı Gününə həsr edilmiş “Hər evdə bayraq olsun!” aksiyası keçirilib.

Azedu.az xəbər verir ki, aksiya qoşulan şagirdlər kəndi qapı-qapı gəzərək evlərə bayraq hədiyyə ediblər. Vətənpərvərliyin təbliğinə hesablanmış bu aksiya məktəb icma əlaqələrinin möhkəmləndirilməsi, şagirdlərdə paylaşmaq hissinin gücləndirilməsi baxımından böyük əhəmiyyətə malikdir. Aksiya kənd sakinləri tərəfindən böyük maraqla qarşılanıb.