“Bizim müəllim” layihəsinin budəfəki təqdimatı Lənkəran rayonu Sütəmurdov kənd tam orta məktəbinin kimya müəllimi Xalidə Qurbanlıya həsr olunub. Xalidə müəllim 2017-ci ildə müəllimlərin işə qəbulu üzrə müsabiqədə iştirak edərək 53 bal toplayıb.

AzEdu.az xəbər verir ki, Xalidə Qurbanlı deyir ki, kimya sehrli bir aləmdir. Bu aləmi səyahət etmək, hər bir bağlı qapının açarını tapmaq kimidir. O, kimyanın tədrisi zamanı şagirdlərə həyatda, məişətdə ekoloji problemlərin həllində iştirak etmək bacarığı aşılamağa çalışır.

“Bizim müəllim” layihəsi ölkəmizin bütün bölgələrində peşəkarlığı ilə seçilən, müəllimlərin işə qəbulu üzrə müsabiqədə və diaqnostik qiymətləndirmədə yüksək bal toplayan müəllimlərin tanıdılmasına xidmət edir.