AzEdu.az xəbər verir ki, festivalın keçirilməsində məqsəd gənc istedadları üzə çıxarmaq, onlara stimul vermək, tələbələrdə elmə qarşı maraq yaratmaqdır.

 

Festivalda “Sel və meşə yanğınlarına qarşı mübarizə”, “Aşağı tezlikli elektromaqnit aparatı”, “İnsan beyninin sakitliyini təmin edən alfa generatoru”, “Yüksək emosional gərginlik şəraitində kurkuminin beyinə intranasal verilməsi ilə yaddaş proseslərinin yaxşılaşdırılması”, “Palimpsest kollaj” , “Overton pəncərəsi” və s. bu kimi maraqlı layihələr nümayiş olunub.

 

Münsiflər heyətinin qiymətləndirməsinə əsasən, iqtisadiyyat kateqoriyası üzrə I yerə Bakı Mühəndislik Universiteti (BMU), mühəndislik kateqoriyası üzrə I yerə BMU, II yerə Sumqayıt Dövlət Universiteti (SDU), III yerə isə BMU, pedaqoji kateqoriya üzrə I yerə Azərbaycan Tibb Universiteti (ATU), II yerə Azərbaycan Texniki Universiteti (AzTU), III yerə BMU tələbələrinin təqdim etdikləri layihələr layiq görülüb. Festivalın sonunda qalib gələn komandalar sertifikat və hədiyyələrlə mükafatlandırılıb.

 

Festivalda AzTU-nun tələbəsi  Novruz Balabəyov  ən yaxşı təqdimatçı nominasiyası üzrə birinci yerə layiq görülüb.

 

AzTU-nun rektoru Vilayət Vəliyev qalib komanda üzvləri ilə görüşərək belə festivalların tələbələr üçün əhəmiyyətindan danışıb və onlara gələcək fəaliyyətlərində daha böyük uğurlar arzulayıb.