Bugünlərdə sosial şəbəkələrdə qarla çəkilən şəkillər trend halına gəlib. Onlar arasında ucqar məktəblərin şagirdlərinin olduğu fotolar xüsusi maraqla qarşılanır.

Ə.Əliyev adına Astara rayon Qapıçıməhəllə kənd ümumi orta məktəbinin direktoru Elnur  Quliyev də belə bir foto ilə diqqət çəkib. Fotonu paylaşarkən bu sözləri yazıb:

“Şəkil çəkdirərkən o gülüşlərdən anlamalıydım.

Məktəbin IX sinif şagirdləri yaxınlaşdılar ki, Elnur müəllim, sizinlə qartopu oynamaq istəyirik. Mən də dedim, olar. F ikirləşdim ki, qartopudan əvvəl bu anı yaddaşlara həkk edim. Çünki bir neçə aydan sonra bu şagirdlərlə vidalaşacağıq.

Mən nə bilim ki, keçən yarımil ərzində imtahanlarda zəif nəticə göstərdikləri üçün etdiyim tənbehlərin əvəzini 10 dəqiqə ərzində ödəyəcəyəm?”