Koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan ərazisində xüsusi karantin rejimi müddətinin mayın 31-dək uzadılması nəzərə alınaraq Peşə Təhsili üzrə Dövlət Agentliyi əməkdaşlarının 30 faizə qədəri işə cəlb olunub.

 AzEdu.az  xəbər verir ki, bu, Təhsil naziri Ceyhun Bayramovun müvafiq əmrində öz əksini tapıb.

Əmrdə qeyd edilir ki, öhdəsində azyaşlı (7 yaşınadək) uşağı olan, yaşlılara və tibbi yardıma ehtiyacı olan şəxslərə qulluq edən, yaşı 60-dan yuxarı olan əməkdaşlar işə cəlb edilməsin. Şəxsi nəqliyyat vasitəsi olan əməkdaşların işə cəlb olunmasına üstünlük verilsin.