Britaniya Şurası pandemiya zamanı və ondan sonrakı dövrdə universitetlərin mövcud resurslardan daha səmərəli istifadəsinə yardımçı olmaq məqsədilə ali təhsil sahəsində ümumilikdə 12 dialoq sessiyasının keçirilməsi təşəbbüsünü irəli sürmüşdür.
AzEdu.az xəbər verir ki, dialoqlar vasitəsilə İngiltərə, o cümlədən, digər Avropa ölkələri və eləcə də, yerli universitetlərin iştirakı ilə distant təhsil, onlayn tədrisdə keyfiyyət təminatı, tələbə mobilliyinin gələcəyi, distant tədqiqat əməkdaşlığı kimi mövzular ətrafında müzakirələrin aparılması nəzərdə tutulur.
Dialoqun formatına moderator və üç nəfər spikerdən ibarət 30-50 universitet nümayəndəsinin iştirakı ilə həftəlik 1-1,5 saatlıq Zoom vebinarlarının keçirilməsi daxildir. Həftəlik vebinarlar aşağıdakı mövzuları əhatə edəcək.
| Tarix | Fokus |
| 7 May | Texnologiyanın imkanlarından istifadə: Universitetlərin tədris, öyənmə və universitet menecmenti istiqamətləri üzrə keyfiyyətin təmin edilməsi məqsədilə mövcud texnologiyaların imkanlarından istifadə bacarıqları |
| 13 May | Universitetin gələcəyi: Hələ də kampusa ehtiyac varmı və universitetlərin gələcək idarəetməsi necə olacaq? |
| 20 May | Onlayn tədrisə keçid: Onlayn tədris və virtual öyrənmə mühitinin təkmilləşdirilməsi məqsədilə pedoqoji, metodoloji, o cümlədən, müxtəlif alətlər və platormaların araşdırılması. Yeni tədris modeli əsasında tələbələr və inzibati heyət üçün keyfiyyəti necə təmin etmək olar? |
| 27 May | Modelləşmənin gələcəyi: Onlayn tədrisin gələcək modelləri |
| 3 İyun | Tələbələrin dərs prosesinə cəlb edilməsi: Tələbələrlə ünsiyyət və onların dərs prosesinə cəlb edilməsi və onların motivasiyası |
| 10 İyun | Qiymətləndirmə Universitetlər üçün onlayn qitmətləndirmənin gələcəyi |
| 17 İyun | Transmilli təhsil Distant Öyrənmə Təhsil Siyasəti: Akkreditasiya, tanınma və onlayn universitet proqramlarının/dərəcələrinin keyfiyyət təminatı |
| 24 İyun | Peşəkar inkişaf Hazırki dövrdə akademik heyət üçün onlayn peşəkar inkişaf alətlərindan istifadə, o cümlədən vaxtın idarə edilməsi və sağlamlığın qoruması üçün mövcud distant resurslardan faydalanmaq imkanı |
| 1 İyul | Tələbə mobilliyinin gələcəyi Tələbə qəbulu və mobillik - tələbələr xaricdə təhsilə üstünlük verəcəkmi? Tələbələr ölkənin digər şəhərlərinə köçərək univeristetə getmək istəyəcəklərmi? Hazırki pandemiya böhranı uzunmüddətli tələbə mobilliyinə necə təsir edəcək? |
| 8 İyul | Academik əməkdaşlıqlar Daha azsaylı fiziki mobillik dövründə beynəlxalq akamedik əməkdaşlıq necə davam etdirilə bilər? COVİD-19 böhranı məlumat bazalarının daha çoxsaylı alimlər üçün açıq edəcəkmi? |
| 15 İyul | Masterklass: İngiltərə alimi tərəfindən |
| 22 İyul | Masterklass: İngiltərə Nobel Sülh Mükafatçısı tərəfindən |
