Britaniya Şurasının “Creative Spark” layihəsi çərçivəsində Şərqi London Universiteti tərəfindən Azərbaycan Dövlət İqtisad Universiteti (UNEC) tələbələri üçün növbəti onlayn təlimlər keçirilib.

UNEC-dən AzEdu.az-a bildirilib ki, təlimlər biznes ideyalarının reallaşdırılması, müştəri seqmentasiyasının təhlili, bazar marketinqi araşdırmaları, “biznes canvas” modelinin tətbiqi istiqamətlərində aparılıb.

Sonda tələbələr ideyalarını onlayn formatda təqdim edərək ingilis mütəxəssislərdən rəy alıblar. Onlar, həmçinin Şərqi London Universitetində çalışan bir çox müəllimlə ünsiyyətdə olaraq biznes sahəsinə dair nəzəri və praktik biliklər əldə ediblər.

Onlayn təlimlərin qarşıdakı aylarda yenidən təşkil olunması planlaşdırılır.