Millət vəkili Aydın Mirzəzadə şəxsi facebook səhifəsində Təhsil Nazirliyinin operativliyi ilə bağlı  məlumat qeyd edib.

O, qeydində tələbələrdən birinin  təhsil haqqını ödəmək üçün ona müraciət etdiyini deyib.

Texnologiya Universitetinin tələbəsi olan həmin şəxs təhsil  haqqının ödənilməsi üçün sosial güzəştlə bağlı  müraciət etdiyini  vurğulayıb:

Lakin ona rədd cavabı gəlib:

“Anam və atam işsiz kimi qeydiyyatdadı. Atam  isə müharibə veteranıdı. Sosial Müdafiə Nazirliyinin qaynar xəttinə  zəng etdim və dedilər ki, ananız işsiz kimi qeydiyyatdadı. Tehsil Nazirliyinin qaynar xətti isə məsələnin onlara aid olmadığını söylədi. 3 dəfə  müraciət etdim. Amma menimle eyni statusda olan tələbələrə müsbət cavab gəldi, mənə isə yox. İllik ödenişin  600 AZN-nini ödəmişəm, 600 AZN -nini isə vermək imkanımız yoxdu”.

AzEdu.az xəbər verir ki, millət vəkili məsələ ilə bağlı Təhsil Nazirliyunə müraciət edib. Nazirliyin İctimaiyyətlə əlaqələr şöbəsinin müdiri Cəsarət Valehov isə problemin həll olunduğunu deyib.

Ümid edirik ki, güzəştlə bağlı digər müraciətlər də tezliklə həllini tapacaq.