DİM bu həftə Cisco, (ISC)2, CompTIA kimi qurumların bir sıra imtahanlarını keçirib.
AzEdu.az xəbər verir ki, Mərkəzdən verilən məlumata görə, 20-24 iyul tarixlərində Pearson VUE (Virtual University Enterprises) tərəfindən təqdim olunan və informasiya texnologiyaları (İT) sahəsinə aid olan aşağıdakı beynəlxalq imtahanlar təşkil olunub:
- Cisco Systems, Inc. şirkətinin “Implementing and Operating Cisco Enterprise Network Core Technologies” sertifikat imtahanı;
- (ISC)2 təşkilatının “Information Systems Security Architecture Professional (ISSAP)” sertifikat imtahanı;
- CompTIA assosiasiyasının “CompTIA A+ Certification Exam: Core 2 (220-1002)” sertifikat imtahanı.
Keçirilən imtahanlarda ümumilikdə 3 nəfər iştirak edib. Keyfiyyətin və təhlükəsizliyin təmin edilməsi məqsədilə imtahanların keçirilməsinə dair bütün prosedurlara, həmçinin müvafiq sanitar-gigiyenik qaydalara riayət olunub.
DİM-də verə biləcəyiniz müxtəlif ixtisas sahələri, həmçinin ingilis dili üzrə imtahanların vaxtı ilə aşağıdakı cədvəldən tanış ola bilərsiniz:
| İmtahanın adı | Gün | Saat |
| “Pearson VUE”-nun IT, maliyyə, menecment, audit, marketinq və s. sahələr üzrə 100-dən çox professional imtahan | Hər həftənin I, II, III, V günləri | Səhər növbəsi: 08:30–13:30 Günorta növbəsi: 14:00-18:00 |
| “Pearson Test of English Academic” (PTE Academic) | Hər həftənin IV günləri | Səhər növbəsi: 10:00–13:00 Günorta növbəsi: 15:00-18:00 |
İmtahanlara qeydiyyat və digər məsələlər ilə bağlı daha ətraflı məlumatla buradan tanış ola bilərsiniz.
