Vətən müharibəsinin qalibiyyətlə bitməsi ilə əlaqədar “Virtual məktəb”də dərslərin məzmununda dəyşiklik olacaq.

AzEdu.az xəbər verir ki, bunu “Məsafədən təhsildə yeni reallıqlar” mövzusunda müzakirədə Təhsil Nazirliyinin Ümumi təhsildə məzmun, tədris və qiymətləndirmə şöbəsinin müdiri Vəfa Yaqublu deyib. O bildirib ki, “Virtual məktəb”də bütün siniflərdə fənlər üzrə dərslərdə işğaldan azad olunan ərazilərimiz haqqında məlumat veriləcək. Dərslərdə qələbəmizdən, şanlı ordumuzun uğurlarından bəhs olunacaq.

Xatırladaq ki, “Məsafədən təhsildə yeni reallıqlar” mövzusunda müzakirə Təhsil Nazirliyinin rəsmi “Facebook” səhifəsi üzərindən canlı yayımlanan “Təməl” proqramında aparılır.