Dövlət İmtahan Mərkəzinin ekspertləri tərəfindən yanvarın 30-31-də tarix, fizika, kimya, biologiya və coğrafiya fənləri üzrə qəbul imtahanlarında istifadə edilən qiymətləndirmə tapşırıqlarının hazırlanması və onların yoxlanılmasına dair hazırlıq kursları keçiriləcək.

DİM-dən AzEdu.az-a verilən məlumata görə, COVID-19 pandemiyası ilə bağlı ölkədə tətbiq edilən xüsusi karantin qaydaları nəzərə alınaraq hazırlıq kursları “Zoom” platforması üzərindən həyata keçiriləcək.

Kurslarda Bakı, Gəncə, Şəki, Bərdə, Şirvan və Lənkərandan hazırlıq kurslarına elektron qeydiyyatdan keçmiş müəllimlər, metodistlər, ali təhsil müəssisələrinin pedaqoji profilli fakültələrinin sonuncu kurs tələbələri və magistrlər iştirak edəcəklər.