Məktəbli formaları ilə bağlı qaydalar hazırlanıb və artıq ictimai müzakirəyə çıxarılıb. 

Bu barədə Təhsil naziri Emin Əmrullayev “Pandemiya dövründə təhsil” mövzusunda ünvanlanan sualları cavablandırarkən deyib.

Nazir yeni qaydaların yaxın zamanda qəbul ediləcəyinə ümid etdiyini bildirdi:

“Məktəbli forması şagird üçün önəmlidir. Formanın görünüşü şagirdlərin sosial status cəhətindən bir-birindən fərqlənməsini göstərməməlidir. Eyni zamanda bu forma şagirdlərin ümumi zövqünün formalaşması baxımından da uğurlu seçilməlidir.

İnanıram ki, bizim təsdiq edəcəyimiz məktəbli forma nümunələri həmdə əlçatanlığı baxımdan əlverişli olacaq. Valideyn icmasının və məktəb rəhbərliyinin də bu istiqamətdə qərar verən tərəf olduğunu düşünürəm”.