Hindistandakı kolleclərin birində fövqəladə vəziyyət zamanı ilkin yardım dərsi alarkən tələbə qız həlak olub.

AzEdu.az Lenta.ru-ya istinadla xəbər verir ki, dərsin gedişatına görə, 19 yaşlı tələbə eyvandan hoppanmalı idi. Lakin qızın başı məhəccərə dəyir.

Kadrlardan görünür ki, tələbə üçüncü mərtəbədə eyvanda əyləşib və aşağı hoppanmağa cəsarət etmir. Lakin məşqçi onu qəfildən itələyir. Daha sonra məlum olub ki, özünü fövqəladə hallar üzrə mütəxxəsis kimi təqdim edən şəxs saxta müəllim imiş. Həmin şəxs həbs edilib.

Hadisə ilə bağlı istintaq aparılır.