Macarıstanda ilk universitet 1367-ci ildə yaradılıb və ölkədə ali təhsilin tarixi təxminən, 650 ildir. Macarıstan 2004-cü ildən Avropa Birliyinə daxil  olduğundan, oradakı  ali məktəblər  artıq  uzun  illərdir ki, kredit sistemi və Boloniya prosesinə qoşulublar. Məhz buna görə  dünyanın hər bir tərəfindən müxtəlif ölkələrin vətəndaşları Macarıstana təhsil almağa gəlirlər.

Macarıstana  demək olar ki, dünyanın bütün ölkələrindən təhsil dalınca gələn gənclərə rast gəlmək mümkündür. Azərbaycanlılar  isə  Macarıstanda təhsilə 1990-cı illərin sonundan etibarən,  maraqlanmağa başlayıblar.

Beləliklə, AzEdu.az  Macarıstan təhsilinin üstünlüklərini təqdim edir:Digər ölkələrlə müqayisədə  Macarıstanda ingilisdilli tədris və təqaüd  proqramları  çoxdur;

Macarıstan universitetləri dünya elminə ümumulikdə 14 Nobel mükafatlı alim qazandırıblar;

Ölkədə bununla yanaşı, gələcəkdə daha çox Nobel mükafatı    və ixtiraçılar qazandıracaq fərqli təhsil sistemi mövcuddur;

Macarıstan universitetlərinin diplomları dünyanın istənilən yerində tanınır;

Təhsil aldığı zaman və məzun olduqdan sonra Avropada işləmək və yaşamaq imkanının olması;

Ali təhsil müəssisələrində Boloniya sisteminin tətbiqi nəticəsində Macarıstan universitetlərindən digər Avropa Birliyi ölkələrinin universitetlərinə transferi mümkün edir. Nəticədə, diplomlar bütün Avropa Birliyində qəbul edilir; 

Macarıstanın əcnəbi tələbələri qəbul edən əksər universitetlərinin müxtəlif təqaüd proqramları  və güzəştlərin olması;

Macarıstanın səfirliyinin təhsil vizasını digər Avropa ölkələri ilə müqayisədə daha asan verməsi;

Macarıstanda xarici tələbələrə verilən oturum izni əsasında digər Şengen zonası ölkələrinə səyahət etmə imkanı.

Günel Yaşarqızı