“Bu  günə  kimi  ümumilikdə  25 min 370 nəfər  şagird, 15 min 128 nəfər təhsil işçisi  koronavirusa yoluxub”

AzEdu.az  xəbər  verir  ki, bunu Təhsil nazirinin müşaviri  Rüstəm Ağayev  Təhsil işçilərinin  vaksinasiya ilə bağlı canlı yayımda deyib.

Nazir  müşaviri  Bakı  və  Sumqayıtda  təhsil  işçiləri  arasında  aparılan  vaksinasiya  prosesindən  danışıb:

“Yanvar  ayında  ölkəmizdə  vaksinasiya  strategiyası  təsdiq  olunmuşdu. Mart  ayından  etibarən  təhsil  işçilərinin  vaksinasiya  üçün  Bakı  şəhərində  10, Sumqayıt  şəhərində  2  vaksinasiya  məntəqəsi yaratdıq. Nəticə  olaraq  Bakı  şəhərində 33 min 291 nəfər, Sumqayıtda  isə  2 min  nəfər  yaxın  təhsil  işçisini  vaksinasiyaya  cəlb  etmişdik”