Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı Prezident təqaüdünə layiq görülmüş tələbələrlə görüşüb.

Bu barədə AzEdu.az-a ADNSU-dan məlumat verilib.

Bu il ali təhsil müəssisələrinə qəbul imtahanlarında ən yüksək nəticələr əldə edən Jalə Sevdimli (690.2 bal), Fətulla Bəşirov (682,3 bal), Rüfət Quliyev (680.1bal) ADNSU-ya qəbul olunublar. Onlar kompüter elmləri ixtisasını seçiblər. Tələbələrin biri ADNSU-da, ikisi isə bu ali məktəbin nəzdində fəaliyyət göstərən Azərbaycan-Fransız Universitetində (UFAZ) təhsil alır.

Görüşdə ADNSU-nu seçdiklərinə görə tələbələrə təşəkkür edən rektor M.Babanlı onları təbrik edib.

“Siz böyük uğurlar əldə edibsiniz: həm tələbə adını qazanıbsınız, həm də qəbul imtahanlarında ən yüksək nəticələr göstəribsiniz, Prezident təqaüdünə layiq görülmüsünüz”,- deyə M.Babanlı bildirib.

Rektor tələbələrə tövsiyələrini verib, onlara təhsildə yeni nailiyyətlər arzulayıb.