Təhsil İnstitutunun Metodik dəstək və peşəkar inkişaf mərkəzinin region müəllimləri və metodik kabinet əməkdaşları üçün “Səmərəli öyrədici mühitin qurulması” və “Müasir məzmun və formalı dərsdənkənar işin təşkili” mövzusunda onlayn təlimləri davam edir.

İnstitutdan AzEdu.az-a bildirilib ki, noyabrın 7-12-də mərkəzin əməkdaşları Ayşə İsmayılova, Səbinə Balayeva, Fidan Abbasova və Lətafət Cütcüzadənin təqdimatında Bərdə, İsmayıllı, Salyan, Qobustan rayonları üzrə təlimlər keçirilib. Təlimlərə ümumilikdə 130 nəfər metodik kabinet əməkdaşı və müəllim qoşulub.

Qeyd edək ki, təlimlər növbəti həftələrdə də davam etdiriləcək. Təlimlərin 30 region və hər bir region üzrə 25 məktəbin müəllimləri üçün keçirilməsi nəzərdə tutulub.