Yunanıstanın Qərbi Makedoniya Universiteti (QMU) və Azərbaycan Dövlət İqtisad Universiteti (UNEC) arasında akademik/inzibati heyət üçün Erasmus+ mübadilə proqramına start verilib.

AzEdu.az xəbər verir ki, proqram haqqında ətraflı məlumat aşağıdakı kimidir:

Akademik/inzibati heyət üçün Erasmus+ proqramının əsas şərtləri:

Beynəlxalq mobillik 2019-2022: (QMU)

Akademik/inzibati heyət üçün Erasmus+ proqramının əsas şərtləri:

• UNEC-in tam ştatlı akademik/inzibati işçisi olmaq;
• İngilis dilini mükəmməl bilmək və təlim materiallarını praktiki olaraq tətbiq etmək bacarığı (inzibati heyət üzvlərindən beynəlxalq dil sertifikatı olan namizədlərə üstünlük veriləcək);
• İngilis dilində səlis danışıq və dərs demək bacarığı (akademik heyət üçün beynəlxalq dil sertifikatı olan namizədlərə üstünlük veriləcək);
• Mövzu üzrə praktiki biliklər (yalnız akademik heyət üçün)
• Təcrübə/tədris müddəti - 5 gün (səyahət üçün 2 gün, cəmi 7 gün)

UNEC-in akademik/inzibati heyətinin səyahət və gündəlik xərcləri Erasmus+ proqramı tərəfindən qarşılanır. Proqrama müraciət etmək istəyən akademik heyət müvafiq kursun sillabusunu, niyyət məktubu və CV-lərini təqdim edə bilər. Eləcə də inzibati işçilər öz CV-lərini və niyyət məktublarını aşağıda qeyd olunan e-mail ünvanına təqdim edə bilərlər. Bütün sənədlər ingilis dilində təqdim edilməlidir. Qeyd edək ki, proqram çərçivəsində akademik heyət tədris fəaliyyətinə, inzibati heyət isə təlim fəaliyyətlərinə cəlb olunacaq.

Tələb olunan sənədlər:

1. Kursun sillabusu (yalnız akademik heyət üzvləri üçün (ingilis dilində));
2. Niyyət məktubu (ingilis dilində);
3. CV (ingilis dilində);
4. Xarici pasport.

Müraciət üçün son tarix: 30 noyabr 2021-ci il

Sənədlər aşağıdakı ardıcıllıqla “pdf” formatında [email protected] elektron poçt ünvanına təqdim edilməlidir.

QEYD:

• Müsahibəyə yalnız seçilmiş akademik/inzibati heyət dəvət olunacaq;
• Mübadilə proqramı COVID-19 pandemiyasına bağlı məhdudiyyətlərdən asılı olaraq, təxirə salına və ya ləğv edilə bilər.