AzEdu.az xəbər verir ki. yaradıcılıq səfəri çərçivəsində ADMİU nəzdində Humanitar Kollecin və LDU nəzdində Sosial və Aqrar-Texnoloji Kollecin kollektivləri qarşısında konsert proqramı ilə çıxış ediblər.

 

“Azərbaycan” musiqisi ilə başlayan açılış “Dilkəş təsnifi”nin ifasıyla davam edib, “Azərbaycan” şeiri və qazi müəllim Fərid Atazadənin ifasında isə Qarabağ şikəstəsi böyük həvəslə dinlənilib. Daha sonra “El yolunda”, “Azərbaycan bayrağı”, “Azərbaycan” və bəstəkar Tofiq Quliyevin kino filmlərə yazdığı musiqisindən ibarət kompozisiya ifa edilib. Konsert proqramı Zeynal Cabbarzadənin sözlərinə Emin Sabitoğlunun bəstələdiyi “Bizim Lənkəran” mahanısı ifa edilərək alqışlarla yekunlanıb.

 

 

Konsertin sonunda Lənkəran Dövlət Universitetinin rektoru, professor Natiq İbrahimov maraqlı və zəngin səfər proqramına, gözəl ifalara görə direktor Nərmin Qaralova başda olmaqla kollecin müəllim və tələbələrinə təşəkkürünü bildirib və belə yaradıcı görüşlərin hər iki tərəf üçün səmərəli olduğunu qeyd edib.

 

Öz növbəsində ADMİU-nun nəzdində Humanitar Kollecin direktoru Nərmin Qaralova səmimi qarşılanmaya və qonaqpərvərliyə görə LDU-nun rektoru, professor Natiq İbrahimova minnətdarlığını bildirib və bu ən ənələri davam etdirəcəklərini qeyd edib.