Təhsil İnstitutunun Metodik dəstək və peşəkar inkişaf mərkəzinin “Qaynar xətt”i gücləndirilmiş rejimdə fəaliyyətini davam etdirir.

İnstitutdan AzEdu.az-a bildirilib ki, noyabr-dekabr ayları ərzində “Qaynar xətt”ə metodistlərin, tədris işçilərinin 365 müraciəti daxil olub. Müraciətlərin 353-ü yerində cavablandırılıb, 12-si aidiyyəti üzrə yönləndirilib.

Qeyd edək ki, “Qaynar xətt” metodistlərin və tədris işçilərinin pandemiya dövründə tətbiq edilən distant təhsil və onun təşkili ilə bağlı müraciətlərini qəbul etmək məqsədilə yaradılıb.