“Şagirdin 3 yox,1-ci partada oturmaq istəyi nazirlikdə həll olunmamalıdır”.

AzEdu.az xəbər verir ki, bunu Təhsil naziri Emin Əmrullayev AzTV-nin “Hədəf” verilişində deyib.

O, vətəndaş problemlərinin necə həll olunacağına münasibət bildirib:

“Təhsil Nazirliyinin əsas prioritetlərindən biri də yerlərdə təhsilin idarə edilməsinin təkmilləşdirilməsidi. Nazirliyə gələn müraciətlərin 99 faizi yerində həll oluna bilən problemdir. Onlar direktorlar və RTŞ-lər tərəfindən tez həll edilə bilər. Məqsədimiz problemi həll etməkdirsə, onu düzgün yolla tənzimləməliyik. Uşağın 3 yox,1-ci partada oturmaq istəyi nazirlikdə həll olunmamalıdır. İki nəfər arasında olan konflik də nazirlikdəki hansısa məmur tərəfindən həll olunmamalıdır. Buna görə də yerlərdəki əməkdaşlıq artırılmalıdır”.