AzEdu.az xarici ölkələrin təhsil sistemləri barədə yazıları davam etdirir. Bu dəfəki yazıda Argentina təhsilinin özəllikləri haqda maraqlı məlumatlara yer verilib.

Cənubi Amerika ölkəsi olan Argentinanın  dövlət dili ispan dilidir. Latın Amerikada oxuma-yazma səviyyəsi  ən yüksək olan ölkədir. Ölkənin tarixinə nəzər saldıqda burada təhsillə bağlı bir sıra mühüm hadisələrə rast gəlmək olar. Argentina büdcə gəlirlərinin  14%-ni təhsilə sərf edir. Dövlət universitetləri dövlət tərəfindən maliyyələşir və ölkədə savadlılıq səviyyəsi  95%-dir.Argentinaya  hər il təxminən 90 min  əcnəbi   tələbə təhsil almaq üçün gəlir.

Argentina  Respublikasında  təhsil sistemi dörd səviyyədən - məktəbəqədər, ibtidai, orta, texniki peşə və ali təhsil pillələrindən ibarətdir. Məktəbəqədər təhsil icbari xarakter daşımır. Ölkədə  6-14yaş  arasında uşaqların  məktəbə getməsi məcburidir. 

Argentinda orta təhsil polimodal adlanır. Yəni şagirdlər öz proqramlarını seçə bilirlər. Polimodal adlandırılan  tam orta məktəbdə  şagirdlərin humanitar və ictimai elmlər,dizayn, rabitə və s.  sahələr üzrə ixtisaslaşması əsas götürülür.   Bu məktəblərdə  oxuyan  şagirdlərə natamam orta təhsil  haqqında diplom verilir.

Argentinanın ali məktəblərinə qəbul hər bir təhsil müəssisəsi tərəfindən aparılsa da burada qəbul imtahanlarının keçirilməsi üçün müvafiq meyarlar və vahid qiymətləndirmə mexanizmi tətbiq olunur. Ölkədə 40 dövlət və 45 özəl universitet  var. Argentinanın ən qədim ali məktəbi 1613-cü ildə təsis edilən Kordoba universiteti, ən yaxşı ali təhsil müəssisəsi isə 1821-ci ildə yaradılan  Buenos-Ayres universitetidir . 

Qeyd edək ki, Argentinada təhsil haqqı illik 1000-3000 avro arasında dəyişir. Aylıq yaşayış xərcləri isə maksimum 1000 dollardır.

Günel YAŞARQIZI