Azərbaycan Texniki Universitetinin (AzTU) qalib olduğu “AzTU-da prioritet mühəndislik ixtisasları üzrə professor-müəllim heyətinin akademik mobilliyinin səmərəli təşkili ilə elmi potensialın gücləndirilməsi və yüksəkixtisaslı kadr hazırlığının təmin olunması mexanizminin yaradılması” layihəsi çərçivəsində bir qrup müəllim təlim keçmək üçün Ankaraya ezam olunacaq.

Universitetdən AzEdu.az-a bildirilib ki, layihə çərçivəsində, həmçinin Qazi Universitetinin professorları da AzTU-ya dəvət olunacaqlar.

Qeyd edək ki, layihə mobillik yolu ilə professor-müəllim heyətinin elmi potensialını artırmağı nəzərdə tutur.