Azərbaycan Dövlət İqtisad Universitetində (UNEC) universitetlərin idarə olunmasında, eləcə də elmi fəaliyyətin və tədrisin təşkilində mövcud sovet mirası və onun ləğvi ilə bağlı aparılan təhlillər davam edir.

AzEdu.az  xəbər verir ki, UNEC-in rektoru professor Ədalət Muradov elmi təhlillərin nəticələri barədə rəsmi feysbuk səhifəsində fikirlərini bölüşüb. Rektorun fikrincə, sovet dönəmində ali təhsili bitirmək və diplom almaq üçün tələbələr təhsilin sonunda xalq arasında “dövlət imtahanı” kimi qəbul edilən yekun dövlət attestasiyasından keçməli idilər. Bu imtahanın əsas məqsədi məzunların “ideoloji standartlara” uyğunluğunu yoxlamaq idi. Dövlət imtahanını zəruri edən səbəblər aradan qaldırılıb, amma dövlət imtahanı hələ də tətbiq edilir.