16 Mart tarixində Avropa İttifaqı Şurasının təhsil nazirlərinin Ukraynaya təhsil və elm sahəsində dəstəyinə dair iclası keçirilib.

Fransa Respublikasının Təhsil, Gənclər və İdman naziri Jan-Mişel Blanş iclasın qərarını martın 17-si öz tvitter səhifəsindəki paylaşımla açıqlayıb.

AzEdu.az xəbər verir ki, Avropa İttifaqının Təhsil nazirləri Şurası Avropa fondlarından ayrılan vəsaitin yenidən bölüşdürülməsi və Aİ-yə üzv dövlətlərin təhsil sistemlərinə maliyyə dəstəyinin təmin edilməsilə Ukrayna təhsilinə aşağıdakı istiqamətlərdə yardım göstəriləcək:

• Avropa ölkələrinə təxliyə olunan ukraynalı şagirdlərin orada olan məktəblərə qəbulunu dəstəkləmək üçün Avropa fondlarının yenidən təsis edilməsi;

• Ukraynalı təhsilalanların mümkün qədər normal həyata geri qayıda bilmələri üçün prosesi sadələşdirərək təhsillərini asanlaşdırmaq;

• Avropa ölkələri,xüsusilə Ukrayna distant təhsil platforması və eTwinning proqramı vasitəsilə Ukrayna mədəniyyətinə, dilinə və təhsil sisteminə əlçatanlığı qaranti edəcək;

• Ukrayna təhsil sisteminin yenidən qurulması üçün mövcud mexanizmlərə əlavə dəstək göstərmək;

• Müəllimlər üçün ortaq onlayn resurslara çıxışı təmin etmnək.

Qeyd edək ki, bazar ertəsindən etibarən Ukraynada tədris prosesi bölgələrdəki vəziyyətə uyğun olaraq bərpa edilib.