Yeni tədris ilinin başlanmasına artıq 1ay vaxt qalıb. Avqustun 15-də universitetlərə ixtisas seçiminin nəticələri açıqlandı. Növbəti mərhələdə isə tələbə adını qazananlar, ali təhsil müəssisələrinə qəbul olunan bəzi tələbələr artıq kirayə evlərin axtarışındadır.
Etiraf edək ki, bölgələrdən gələn tələbələr hələ dərs başlamazdan əvvəl bu problemlə üzləşirlər. Əksər universitetlərimizin yataqxana imkanlarının olmadığını nəzərə alsaq, xeyli tələbənin artıq kirayə ev haqqında düşündüklərini deyə bilərik. Hətta bəzi şəxslərin bu istiqamətdə tələbələri, onların valideynlərini aldatdıqlarının da şahidi olmuşuq.
Görəsən, ev axtarışında olan tələbələri ən çox nədə aldadırlar, yaxud, aldadacaqlar? Həm qiymətdə, həm də başqa məsələlərdə...
AzEdu.az məsələ ilə bağlı ev alqı-satqı məsələləri üzrə ekspert Murad Mənsimova müraciət edib. Onun sözlərinə görə, kirayə haqqının tam dəqiq deyilmədikdə, tələbələr aldadılır:
“Kommunal xərclər – “işıq”, “su”, ”qaz pulu” barəsində də dəqiq nəsə deyilmir. Gah deyirlər evin qiymətinə daxildir, gah deyirlər yox! Amma tələbə evə yaşamaq üçün gəldikdə, hətta “telefon pulu, eləcə də lift pulunu da ödəməlisən” deyirlər. Beləliklə, kirayə haqqının tam dəqiq deməyib tələbələri aldadılır.
Tələbələri ev məsələsində aldadan məqamlardan biri də mənzillərin aylıq kirayə haqlarıdır. Məsələn, bəzən tələbələrə deyirlər ki, evin təmiri çox gözəldir, amma gedib baxdıqda bunun tam əksini görürlər.
Həmçinin, bəzi evlərə daxil olduqda tələbəyə lazım olan əşya əlavə əşyaların da qoyulmadığı görülür.
Onun sözlərinə görə, birotaqlı tələbələr üçün orta təmirli evlərin qiyməti 250AZN başlayır 400AZN-ə qədər davam edir.
“ Supertəmirli birotaqlı evlərin qiymətləri bahadır. Bakıda 150-200 manata evlər də tapmaq mümkündür. Lakin onlar normal şəraitli evlər deyil.
Tələbələr əsasən, şəhərin mərkəzində metrolara, eləcə də daha çox oxuduğu universitetlərə yaxın ərazilərdə kirayə qalmaq istəyirlər və elə yerlərdə də qalmaları daha yaxşıdır. Bu yolla həm pula, həm də vaxta qənəat etmiş olurlar. Şəhər kənarlarında tələbələrin kirayə evdə qalmaqları məsləhət görülmür”.
Günel YAŞARQIZI
