İsveçin Malmö şəhərinin liseyində işləyən 50 yaşlı iki müəllim mart ayının 22-dən 23-nə keçən gün gecə saatlarında baş verən silahlı hücum nəticəsində qətlə yetirilib.

AzEdu.az xəbər verir ki, hadisə Malmö Latin liseyi ərazisində gecə saatlarında baş verib. 18 yaşlı gənc iki qadını qətlə yetirəndən sonra hadisə yerini tərk edib. Sonradan o, yerli polis tərəfindən həbs olunub.
Polis hadisənin təfərrüatlarını açıqlamaq istəməyib. Lakin yerli media cinayətkarın hücumu balta və bıçaq ilə törətdiyini bildirib. İstintaq hələ ki, cinayətin motivini müəyyən etməyib, ancaq səhər saatlarında saxlanılan tələbənin evində axtarışlar aparılıb.

Hadisə baş verən zaman məktəbdə 50-yə yaxın insan olub.

Azərtac