“İmtahan cavablarının yoxlama müddəti fənn və markerlərin qrafikindən asılı olaraq dəyişir”

AzEdu.az xəbər verir ki, bunu DİM-in bacarıqların, vərdişlərin qiymətləndirilməsi və markerlərin hazırlanması üzrə sektorun müdiri Aydın Qasımov deyib.

Sektor müdiri yazı işlərinin yoxlanılması müddətinə aydınlıq gətirib:

“Məsələn, 50 min nəfər şagird üçün Riyaziyyat fənnindən yoxlama 5-6 gün çəkə bilir. Amma Azərbaycan dili,Rus dili fənnlərində bildiyimiz kimi,bir neçə cümləlik yazı işləri var, onların yoxlaması isə 10-15 gün çəkə bilir. Vaxta təsir edən ikinci bir məqam isə markerlərin qrafikidir. Məsələn, 5-6 Mart tarixlərinin yazı işlərinin yoxlanılması dövrü Novruz tətili ilə üs-üstə düşmüşdü. Bu zaman müəllimlərin qrafiki rahat idi, qoşulmaq üçün zamanlardı oldu. Nəticədə yoxlama prosesi zamanında başa çatdı və təhvil verildi”.

Daha sonra o, -“Amma növbəti 12-13 Mart tarixlərində keçirilən imtahan nəticələrinin yoxlanılması zamanı tətil bitmişdi və belə olduqda müəllimlərin qrafikində müəyyən çətinliklər əmələ gəlir”-deyə bildirib.