Aprelin 15-də Dövlət İmtahan Mərkəzində coğrafiya və riyaziyyat fənləri üzrə işçi qrupların növbəti iclasları keçirilib.

Mərkəzdən AzEdu.az-a bildirilib ki, iclaslarda respublikanın ümumtəhsil müəssisələrində qüvvədə olan 6-ci sinif dərslikləri əsasında hazırlanmış “Qiymətləndirmə tapşırıqları” kitabçaları dərsliklərlə müqayisəli təhlil edilib.

Hər iki fənn üzrə iclaslarda DİM-lə ekspert kimi əməkdaşlıq etmək üçün elektron qeydiyyatdan keçmiş şəxslər də iştirak ediblər. Həmin şəxslərə dərsliklərin elmi-metodik monitorinqi və qiymətləndirilməsi meyarları təqdim olunub, dərsliklərin monitorinqinin keçirilməsi proseduru haqqında məlumat verilib. Onların hər birinə müəyyən dərsliyin elmi-metodik monitorinqini aparmaq tapşırılıb.

Müzakirə edilən məsələlərlə bağlı iştirakçılar tərəfindən fikir bildirilib və təkliflər söylənilib.

Növbəti iclaslarda müzakirələr davam etdiriləcək.