Bakı Mühəndislik Universitetinin tələbəsi Binnətova Lamiyənin itkin düşdüyü bildirilir.

Məlumata görə, 1 Aprel tarixindən etibarən tələbədən heç bir xəbər alınmır.

AzEdu.az universitetlə əlaqə saxlayaraq ümumi vəziyyəti maraqlanıb.

Bakı Mühəndislik Universitetinin İctimaiyyətlə əlaqələr şöbəsinin müdiri Elman Babayev AzEdu.az-a açıqlamasında məlumatı təsdiqləyib.

Şöbə müdiri tələbənin ailəsilə müntəzəm olaraq əlaqə saxlanıldığını bildirib:

“Lamiyə universitetin Memarlıq və inşaat fakültəsinin III kurs tələbəsidir. Aprelin 1-i saat 16:50-də icazə alıb və universitetdən çıxıb. O gündən etibarən valideynlərilə müntəzəm olaraq əlaqə saxlayırıq, ancaq hər hansı bir xəbər yoxdur. Yeni bir xəbər olarsa, bu barədə ictimaiyyətə məlumat veriləcək”