Təhsil İnstitutu tərəfindən ali məktəblərdə pedaqoji fəaliyyət göstərmək istəyən, sənayedə və iş dünyasının müxtəlif sahələrində çalışan şəxslər üçün keçirilən təlimlər yekunlaşıb.

İnstitutdan AzEdu.az-a bildirilib ki, təlimlərin əsas mövzuları pedaqoji fəaliyyətdə ilk addım, tədris planlaması və tətbiqi, ali təhsilin normativ-hüquqi tənzimlənməsi, təhsil prosesində rəqəmsal texnologiyaların tətbiqi, elmi rəhbərlik, tədrisin idarə edilməsi, peşə etikası olub.

Təlimləri institutun əməkdaşları aparıb.

Yekunda 8 nəfər təlimlərdə müvəffəqiyyətlə iştirakına görə sertifikat qazanıb.

İnstitut tərəfindən təlimlərin növbəti aylarda yenidən təşkil olunması gözlənilir.