"Təhsil Nazirliyi aidiyyəti dövlət qurumları ilə birlikdə "Son zəng" tədbirlərinin təhlükəsiz şəraitdə keçirilməsi ilə bağlı həm məktəb rəhbərliyinə, həm valideynlərə müvafiq göstəriş və tövsiyələr verib".

Bunu təhsil naziri Emin Əmrullayev "Son zəng" mərasimində jurnalistlərə açıqlamasında deyib.

Nazir bu günün müəyyən mənada bir az gərgin gün olduğunu qeyd edib:

"Yeniyetmələr məktəbi bitirir. İstərdim ki, həm valideynlər, həm məktəb rəhbərliyi bu işə ciddi nəzarət etsin, xüsusilə də məktəblilər tərəfindən bu cür gözəl şənlikdən sonra hər hansı xoşagəlməz hallar baş verməsin. Təəssüf ki, hər il belə hallar olur. Ümid edirəm ki, bu il birlikdə belə halların qarşısını ala biləcəyik".