Ümumi təhsil müəssisələrinin IX-XI sinif şagirdləri arasında “Əziz Şuşa, sən azadsan!” mövzusunda inşa müsabiqəsinə qeydiyyat davam edir.

Elm və Təhsil Nazirliyindən AzEdu.az-a bildirilib ki, müsabiqənin keçirilməsində əsas məqsəd xalqımızın qəhrəmanlıq ruhunun təntənəsinə çevrilmiş Şuşa qalibiyyətinin əhəmiyyətinin ölkənin ümumi təhsil müəssisələrində təbliğini gücləndirməkdir.

Müsabiqə rayon (şəhər) və ölkə üzrə olmaqla 2 mərhələdə təşkil olunur. Ölkə üzrə təşkil olunan “Əziz Şuşa, sən azadsan!” mövzusunda inşa müsabiqəsinə müraciət www.portal.edu.az vasitəsilə həyata keçirilir.

Müsabiqəyə qeydiyyat oktyabrın 7-dək davam edəcək.

Sonda müsabiqə qaliblərinin diplom və hədiyyələrlə təltif olunmaları nəzərdə tutulur.