Araşdırmalara görə tanınmış müğənnilərin çoxusunun ali təhsili olmur. Amma Azərbaycan səhnəsində elə müğənnilər var ki, onlar ali təhsilin müxtəlif ixtisasını bitiriblər.
AzEdu.az ali təhsilli məşhurlarımızı təqdim edir.
Faiq Ağayev 29 dekabr 1971-ci ildə Bakıda anadan olub. O, peşəkar səhnəyə 1988-ci ildə gəlib. Həmin il "Bakı Payızı-88" respublika müsabiqəsinin qalibi olub. 1993-cü ildə Azərbaycan Dövlət Mədəniyyət Universitetinin Musiqili teatr aktyoru fakültəsini fərqlənmə diplomu ilə bitirib.
Nisə Qasımova 1954-cü ilin 13 fevralında Bakı şəhərində anadan olub. O, Azərbaycan Dövlət Mədəniyyət və İncəsənət Universitetinin Solo oxuma ixtisasını bitirib.
Zülfiyyə Xanbabayeva Azərbaycanın müasir estrada musiqisinin qurucularından biridir. O, 1967-ci ilin 16 oktyabrında Bakı şəhərində anadan olub. 161 nömrəli məktəbi bitirdikdən sonra Azərbaycan Dövlət Mədəniyyət və İncəsənət Universitetinin "Teatr rejissoru" fakültəsində təhsil alıb.
Kiçik yaşlarında musiqi ilə məşğul olan Gülüstan Əliyeva 8 aprel 1967-ci ildə Yevlaxda doğulub. 1981-ci ildə keçirilən Gənc İstedadların Respublika Müsabiqəsində üç turun üçündən də əla qiymət alıb müsabiqənin qalibi olan Gülüstan 1982-ci ildə Yevlaxdan Bakıya - Bülbül adına Orta İxtisas Musiqi Məktəbinə təhsil almağa göndərilib. 1985-ci ildə məktəbi fərqlənmə ilə bitirib. Elə həmin il Dövlət Konservatoriyasında açılan muğam sinfinin ilk tələbəsi və ilk məzunu olub. O, Bakı Musiqi Akademiyasının solooxuma ixtisasında təhsil alıb.
1991-ci ildə Bakı şəhərində anadan olan Aynişan Quliyeva anası Aybəniz Haşımovanın rəhbərliyi altında "Bülbüllər" musiqi kollektivində solist çalışıb. Azərbaycanı beynalxalq müsabiqələrdə təmsil edib. O, Azərbaycan Dövlət Mədəniyyət və İncəsənət Universitetini bitirib. Aynişan Quliyeva eyni zamanda İstanbuldakı Baxçaşehir Universitetinin məzunudur.
Azərbaycanın əməkdar artisti Röya Ayxan 1982-ci ilin iyun ayında dünyaya gəlib. O, Bakı şəhəri Nəsimi rayonu 5 saylı orta məktəbin məzunu olub. 2004 -cü ildə Bakı Dövlət Universitetinin Beynəlxalq hüquq fakültəsinə daxil olub.
Uşaq vaxtından musiqini böyük həvəsi olan İradə İbrahimova Bakı şəhərində doğulub. Azərbaycan Milli Konservatoriyasının solooxuma fakültəsini bitirib. İlk ali təhsilini isə Azərbaycan Dillər Universitetində alıb.
Azərbaycanın xalq artisti olan Flora Kərimova 1941-ci iliyulun 23-də Bakıda olub. 1964-cü ildә Asəf Zeynallı adına Bakı Musiqi Texnikumu bitirib. 1971-ci ildә isə Azərbaycan Dövlət Tibb Universitetini bitirib. Flora Kərimova 1977-ci ildə isə Azərbaycan Dövlət Konservatoriyanısını bitirib.
Azərbaycan Respublikasının Əməkdar artisti olan Elza Seyidcahan 7 iyul 1968-ci ildə Siyəzən şəhərində anadan olub. Siyəzən şəhəri 1 saylı orta məktəbinə 1975-ci ildə daxil olan Elza Seyidcahan 1977-1982-ci illərdə Sumqayıt şəhər 17 saylı orta məktəbində təhsilini davam etdirib. O, Azərbaycan Dövlət Konservatoriyasının Bəstəkarlıq fakültəsində təhsil alıb.
Azərbaycan Respublikasının Xalq artisti Nəzpəri Dostəliyeva 1960-cı il dekabrın 23-də Bakıda doğulub. O, 2002-ci ildə Azərbaycan Dövlət İncəsənət Universitetinin məzunudur.
Günel Yaşarqızı
