Ötən həftə vakansiya ilə bağlı müəyyən çətinliklətlə  üzləşən müəllim Nərmin Şamxalovanın  problem həll olunub.

AzEdu.az-ın məlumatına görə bu barədə Elm və Təhsil Nazirliyinin sözçüsü Cəsarət Valehov məlumat verib.

Onun sözlərinə görə  ötən həftə mediada, konkret olaraq Xəzər TV-də Azərbaycan dili və ədəbiyyatı fənni üzrə müəllim Nərmin Şamxalovanın vakansiyasında yaranan problemlə bağlı süjet yayımlanmışdı.  Həmin məsələyə Elm və Təhsil Nazirliyi dərhal reaksiya göstərərək Nərmin Şamxalovanın müraciətinə baxılaraq müsbət qərar qəbul edilib:

“Nərmin Şamxalova bu gündən etibarən 236 nömrəli tam orta məktəbdə müəllimi kimi fəaliyyətə başlayıb.

 Nərmin xanıma uğurlar, bu məsələni diqqətdə saxlayan Xəzər TV-yə təşəkkür edirik!”