Azərbaycan Respublikası Elm və Təhsil Nazirliyinin“Təhsildə İnkişaf və İnnovasiyalar üzrə VI Qrand layihə”sində fərdi kateqoriya üzrə qalib olmuş, Hacıqabul rayon V.Məmmədov adına Muğan qəsəbə tam orta məktəbin müəllimi Sara Selcanın(Şirinovanın)”Şagirdlərdə bloqyaratma və bloqlarında hekayəyazma üzrə müsabiqələrin keçirilməsi” çərçivəsində görüşlər davam edir.
Layihə çərçivəsində növbəti görüş AYB-nin Gənclər Şurasının üzvü, DGTYB İdarə Heyətinin üzvü, Azedu Təhsil Portalının baş redaktoru,gənc yazar Elmin Nuri ilə olub.
Onlayn formada, ZOOM platforması üzrəindən baş tutan görüşdə yazar hacıqabullu məktəblilərlə layihənin önəmindən danışıb. Yaradıcı şagirdlərin şeirlərini dinləyən şair onlarla dialoq quraraq öz təəssüratını bölüşüb.
Şagirdlərdən M.Seyidməmməd, A.Aytac Q.Ayşən, M.Surə, A.Gülövsə yazara suallar vermiş,öz yaradıcılıq nümunələrini təqdim etmişlər.
Kitabın və təhsilin önəmindən danışan Elmin Nuri bugünkü şagirdlər üçün daha geniş imkanlar yaradıldığını və onların bu imkanlardan maksimium yararlanmasını tövsiyə etmişdir.
