23-27 noyabr tarixlərində Bolqarıstanın Şumen vilayətində informatika fənni üzrə 14-cü beynəlxalq payız turniri təşkil edilib. 18 ölkə və 392 iştirakçının yarışdığı turnir hibrid formada keçirilib. Məktəblilərimiz turnirə onlayn qaydada qoşulublar. 

 
AzEdu.az xəbər verir ki, sözügedən yarışda iştirak edən məktəblilərimiz uğurlu nəticələr əldə ediblər. Belə ki, Elm və Təhsil Nazirliyinin tabeliyindəki Fizika, riyaziyyat və informatika təmayüllü liseyin 10-cu sinif şagirdi Fuad Qarayev gümüş, “Ankara məktəbi” məktəb-liseyinin 9-cu sinif şagirdi Əli Əliyev isə bürünc medal qazanıb. 

 
Qeyd edək ki, informatika fənni üzrə beynəlxalq olimpiadalara hazırlıq prosesi  "Azercell Telekom" şirkətinin dəstəyi ilə həyata keçirilir.