“Martın 27-dən etibarən təhsil mərhələli şəkildə başlayacaq ".

AzEdu.az Türkiyə KİV-ə istinadən xəbər verir ki, bunu Milli Təhsil Naziri Mahmut Özer deyib.

"4 vilayətdə mərhələli şəkildə tədrisə başlamaq qərarı almışıq. 27 martdan etibarən tədris prosesinə sadəcə yararlı olması rəsmi şəkildə təsdiqlənən məktəb binalarında start veriləcək", - deyə o bildirib.

Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara və 50 mindən çox insanın həyatını itirməsinə səbəb olub.